Davis Cup: Dëse Weekend spillt Lëtzebuerg an Neuseeland
Davis Cup: Dëse Weekend spillt Lëtzebuerg an Neuseeland
Dëse Weekend spillt d'Seat Lëtzebuerg Davis Cup Team zu Palmerston North an der Weltgrupp II géint Neuseeland. E Freideg goufen d'Matcher ausgeloust.
Deemno spillen um éischten Dag e Samschdeg am Eenzel de Kiranpal Pannu géint den Alex Knaff an den Ajeet Rai géint de Chris Rodesch. E Sonndeg geet et mam Dubbel tëscht dem Finn Reynolds/Rubin Statham an dem Chris Rodesch/Alex Knaff weider souwéi mat den Eenzele Kiranpal Pannu - Chris Rodesch an Ajeet Rai - Alex Knaff.
D'Matcher ginn Indoor an der Fly Palmy Arena gespillt a jeeweils um 12 Auer Lokalzäit (2 Auer moies Lëtzebuerger Zäit) un.
E Livestream gëtt et um neuseelännesche Site Stuff, d'Resultater sinn och op der Säit vum Davis Cup ze fannen.
Nieft dem Chris Rodesch an dem Alex Knaff stinn dem Kapitän Gilles Muller den Aaron Gil Garcia, de Raphael Calzi an de Gilles Kremer zur Verfügung.
